Fra bank to bank, fra wood to wood I rin,°
Ourhailit° with my feeble fantasie
Like til° a leaf that fallis from a tree
Or til a reed ourblawin with the win.°
Twa gods guides me: the ane of them is blin,°
Yea, and a bairn° brocht up in vanitie,°
The next a wife° engenrit° of the sea,
And lichter nor° a dauphin° with her fin.
Unhappy is the man for evermair
That tills the sand and sawis° in the air;
But twice unhappier is he, I lairn,
That feidis° in his hairt a mad desire
And follows on a woman thro the fire,
Led by a blind and techit by a bairn.
°cupid: Cupid, the son of Venus, was sometimes depicted wearing a blindfold.
°rin: run; °Ourhailit: overcome; °til: to; °win: wind; °blin: blind; °bairn: child
°vanitie: spoiled; °wife: woman; °engenrit: born; °nor: than; °dauphin: dolphin
°sawis: sows seed; °feidis: feeds