IN THE HEYDAYS OF HIS EYES
(taut jeans dancing)

An Anthology of Poetry about Being Young and Growing Up
 
 
Home
Table Of Contents
Authors
Acknowledgments & Links
 

AUTHORS


GREEN GROW THE RASHES

Robert Burns

Chorus Green grow the rashes,° O; Green grow the rashes, O; The sweetest hours that e'er I spend, Are spent amang the lasses, O! There's nought but care on ev'ry han', In ev'ry hour that passes, O: What signifies the life o' man, An'° 'twere na for the lasses, O. (Chorus) The warly° race may riches chase, An' riches still may fly them, O; An' though at last they catch them fast, Their hearts can ne'er enjoy them, O. (Chorus) But gie me a canny° hour at e'en, My arms about my dearie, O; And' warly cares, an' warly men, May a' gae tapsalteerie,° O! (Chorus) The wisest man° the warl' saw, He dearly loved the lasses, O. (Chorus) Auld nature swears, the lovely dears Her noblest work she classes, O: Her prentice han' she tried on man, An' then she made the lasses, O. (Chorus) rashes: tall grasses or rushes; An': if; warly: worldly; canny: pleasant; tapsalteerie: topsy turvy; wisest man: King Solomon who had many wives


A RED, RED ROSE

Robert Burns

O my luve's like a red, red rose, That's newly sprung in June; O my luve's like the melodie That's sweetly played in tune. As fair art thou, my bonnie lass, So deep in luve am I; And I will luve thee still, my dear, Till a' the seas gang dry. Till a' the seas gang dry, my dear, And the rocks melt wi' the sun: O I will luve thee still, my dear. While the sands o' life shall run. And fare thee weel, my only luve, And fare thee weel awhile! And I will come again, my luve, Though it were ten thousand mile.

 
 
Website Design and Hosting by Allied Computing